SR-поход. Тэатральны куфар 2017. Дзень першы


Міжнародны фестываль студэнцкіх і моладзевых тэатраў “Тэатральны Куфар” адкрывае ў гэтым годзе дзверы для ўдзельнікаў з 9 краін, аб’ядноўваючы ў сценах Ліцэя БДУ больш за 200 артыстаў.  Што ж цікавае пакажуць на сцэне мінчукі і госці сталіцы даведаліся журналісы Samoe Radio на святочным адкрыцці і першым конкурсным дні фестывалю.


Урачыстае адкрыццё XIV Міжнароднага фестывалю студэнцкіх і моладзевых тэатраў «Тэатральны куфар, БДУ-2017» адбылося 21 верасня ў Ліцэі БДУ. Адкрываць цырымонію давялося Моладзеваму тэатру «Кола» з Віцебска з канцэптуальным перформансам «Папяровыя людзі».





Аднак чацвер стаў яшчэ і першым конкурсным днём: на сцэне паспелі выступіць беларускія і польскі тэатральныя калектывы.

Вечар пластычных спектакляў распачаўся з пастановы Беларускага дзяржаўнага універсітэта інфарматыкі і радыёэлектронікі «[Maki:]», якая была прадстаўлена на мове пластыкі, харэаграфіі і вытанчанай сінхроннасці. Харэаграфічны спектакль складаўся з чатырох часткак – чатырох пораў года – пад час якіх паказваўся жыццёвы цыкл "паўмакаў".




Працягнуў вечар перфоманс Беларускага дзяржаўнага універсітэта культуры і мастацтваў “Кніга Кніг: жывыя гравюры” па матывах біблейскіх гравюраў. Апроч неверагоднай пластыкі чалавечых цел, у спектаклі былі задзейнічаны стоп-кадры з біблейскімі гравюрамі, якія дапамаглі адлюстраваць біблейскую эвалюцыю ад стварэння Адама да канца гісторыі і абнаўлення свету.





Далей па праграме госці з горада Шчэцін, Польшча. Тэатр "nie ma" прадставіў на фестывалі сучасную гісторыю “Гэта ўсё яна”, у якой паказана ўзыемнае непаразуменне маці і сына. Пастановай да гледачоў была данесена адна з галоўных ісцін нашага часу: часцей адкрыць душу незнаёмцу з сацыяльных сетак куды лягчэй, чым самаму блізкаму чалавеку.



Прэм’ера “Любоў людзей” ад Тэатра “На балконе” БДУ закрыла першы конкурсны дзень яскрава, кантрастна і максімальна блізка да гледачоў: зала была перанесена проста на сцэну! Рэклама з 2000-х, пластыкавыя скрынкі, крымінальныя гісторыі з БТ ды паўнейшы катарсіс – вось, чым запомніўся гледачам гэты спектакль.





Samoe спяшаецца нагадаць, што да канца фестывалю даволі шмат часу, то бок кожны мае рэальную магчымасць наведаць пастановы міжнароднага конкурсу і стаць яго часткай. Па правілах, галоўны прыз «Вялікі куфар» прысуджаюць непасрэдна гледачы, якія галасуюць пасля кожнага спектакля, у той час як незалежнае журы прафесіяналаў ацэньвае творчае спаборніцтва.

Праграму мерапрыемстваў і інфармацыю па квітках магчыма атрымаць на афіцыйным сайце падзеі www.tkufar.by і старонцы www.vk.com/teatralny.kufar

.txt - Дар'я Рублеўская
.jpg - Ганна Пахоменка
SR-поход. Тэатральны куфар 2017. Дзень першы SR-поход. Тэатральны куфар 2017. Дзень першы Reviewed by Unknown on 22 сентября Rating: 5

Технологии Blogger.