Ты іх яшчэ не чытаеш?

Вы памятаеце, што такое “абранае”, кожную смешную цытату выкладчыка занатоўваеце і вас раздражняе, што дагэтуль немагчыма рэдагаваць твіты? А можа, вам надакучыў Максім Пушкін, які ўвесь час з’яўляецца ў стужцы, хаця вы на яго і не падпісаныя? Значыцца, гэты топ для вас.

Топ-7 беларускіх акаунтаў у Twitter



Фатограф і актывіст-урбаніст, які падкажа, што рабіць з вырубкай дрэваў каля вашага дома, захавае Асмолаўку і не дазволіць будаваць нешта непрыгожае ў сталіцы. Калі вы хвалюецеся за кожную дробязь у Мінску, Антон Матолька — той чалавек, якога вам дакладна патрэбна зафолавіць.






Гэтага персанажа вы і самі, хутчэй за ўсё, ведаеце. Але ж калі раптам яшчэ не чытаеце Сумнага Коленьку, тэрмінова падпісвайцеся, бо іншай магчымасці даведацца пра “думкі сына прэзідэнта” проста не існуе.






Не разумееце тых, каму не падабаецца філасофія ва ўніверы? Паспелі забыцца на праграмныя творы беларускай літаратуры і адчуваеце сорам за гэта? У профіле Пісьменнік.by знойдзеце філасофскія думкі і прыгожыя цытаты, штосьці з якіх абавязкова закране душу.







Дызайнер-мінімаліст, у кожным творы (так, менавіта творы) якога можна знайсці падтэкст (ці на крайні выпадак якую-небудзь прышпільную фішачку).






Любіце літаратуру і не любіце сексізм? Чалавек, які працуе ў кнігарні і распавядае цікавыя гісторыі ды назіранні з працы, з жыцця, піша артыкулы для “Нашай Нівы” і цікавіцца спортам. Вітайма Juggernaut!






Ну і ў працяг тэмы беларускай літаратуры. Сучаснай беларускай літаратуры. Пісьменнік, творы якога перакладзены на некалькі еўрапейскіх моваў, а кожны публіцыстычны артыкул — таксама паўнавартасны мастацкі твор. Але Віктара Марціновіча варта чытаць не з-за гэтага: трапныя жарты і цікавае ўласнае меркаванне наконт бягучых падзей — вось сапраўдная каштоўнасць ягонага Twitter.







Ну што мы ўсё пра сур’ёзнае? Трэба і пра мемы. Тым больш што ў Дунем, Марцінкевіч? можна пабачыць яшчэ і жартаўлівыя злабадзённыя вершы.




Ну, а калі вы дабраліся да гэтага радка, то, мяркуем, вам спадабалася гэта падборачка. З гэтай нагоды можаце падпісацца і на аўтарку артыкула Крысціну Забела.

Ну і напрыканцы, канешне



Ты іх яшчэ не чытаеш? Ты іх яшчэ не чытаеш? Reviewed by Дарья Рублевская on 27 февраля Rating: 5

Технологии Blogger.